投資者日記 曹仁超 2008-5-29
中國政府繼續市
5月28日，周三。恒生指數跌32.53，收24249.51；成交602億元。5月期指升58點，收24233點；6月期指升66點，收24175點。國美電器（493，2932）升5.1％。中海油（883）跌5.1％、國泰航空（293）升3.1％，因7月期油一度跌6.68美元，至126.97美元。
台灣提高油價及電費
油價有機會5月26日高價見頂，因過去十二個月美國人減少駕駛一百一十億公里！似乎美國人人都在減少車，因為柴油升至5美元一加侖。一架二百五十加侖貨車入滿需要1000美元，一般每星期要入油三次，令陸上貨運如用貨車成本好貴。
花旗推介安徽海螺（914），估計今年每股獲利2.678元，上升73.7％，目標價87元；亦推介聯想（992），目標價8.5元。
滬深三百指數升2.8％，見3676.23。內地汽油價上升，各汽油站已出現貨車大排長龍現象。煤價較雪災時再升10％，至740元人民幣一噸，令愈來愈多發電廠關閉；睇今年夏季內地電力供應將極之緊張。瑞銀推介兗州煤業（1171），估計每股獲利1.33元；中煤能源（1898）估計每股獲利73仙；反之，發電廠股繼續受壓。由此再次證明行政指令係無法解決內地CPI問題。
人民幣兌美元繼續上升，雖然今年首季已升4%，4月份升穿七算，5月份見6.94兌1美元，因為可見將來中國CPI升幅將高達9%，政府除人民幣升值外別無他法，十二個月期貨已成6.27兌1美元，相信明年可見現貨價6.27，將令製造業所受打擊十分大。唔少港人存人民幣博升值，而忘記1997年亞洲金融風暴發生時係無法兌現外國貨幣。
點解必勝客、肯德基家鄉雞中國成功，而麥當勞卻唔得？理由係中國人仍未習慣食麵包做午餐或晚餐，即中國人飲食習慣未出現改變前，對麥當勞好不利。其次，就係漢堡包片牛肉仲係入口貨，結果令麥當勞漢堡包售價昂貴。此外，必勝客已經中國化，肯德基亦一樣；而麥當勞中國仍十分洋化。
內地房地產被拋售，令內房股市值只及NAV 40％；但以年率計，今年4月內地樓價仍較一年前升10.1％，因此花旗建議吸納內房股。
5月27日上交所再發布新規細化大小非解禁，即持有上市公司已發行股份達到5％者，應三個交易日內公布權益變動報告書，而且不得再買賣該公司股票。此乃繼上月出台限制大小非減持後另一次，但作用有幾大？上述消息表面利好，其實利淡，不然何須增加限制？今天滬深A股反應良好，睇中國政府仍努力令上證指數3000至4000點之間上落。
香港經濟亦步入放緩期，因香港極之依賴美國及中國經濟。香港出口係GDP206％，對香港GDP貢獻達32％，但本港出口第二季已開始放緩。3月18日至5月5日港股上升，主要由資金推動多於經濟改善。
大米價因柬埔寨宣布恢復出口而下跌。泰國中等品質米價跌穿1000美元一噸，成920美元（上月最高見1100美元一噸）。米價由去年4月350美元一噸升到今年1100美元，影響三十億食米人口而出現搶購潮；睇米價亦見頂矣。
5月份越南通脹率升25.2％（4月份21％），係1992年以來最高。主因係穀物價上升67.8％，而越南食物佔CPI 42.8％。越南銀行已將存款利率提升到12厘，令越南股市進一步下跌。有人認為越南係礦坑內金絲雀，如果佢出問題，其他新興工業國亦面對高通脹期，會否同樣令股市大跌？
馬來西亞的士難搭
馬來西亞宣布禁止外國註冊汽車（主要來自新加坡及泰國）邊界入油，本周五生效，主因係馬來西亞所售汽油係受政府補貼。由於馬來西亞停發的士牌，今年馬來西亞已好難搭到的士（大部分的士旗，要求唔睇咪錶收費），再次證明供應不足引發管制，但管制不但解決不了問題，反而令到情況惡化。
花旗銀行副主席William Rhodes警告，美國黃金歲月（Goldilocks）不但結束，未來十二個月如政府唔做D，情況將進一步惡化。去年常提Goldilocks，依家已唔提啦，改為人人擔心持久性回落（perma-decline），後市睇法唔係大跌，而係厭厭悶悶。
格蛇認為，美國出現衰退（連續兩季GDP負增長）機會仍超過50％，但相信係一個溫和衰退而非大衰退，估計美國樓價將由今年2月水平再回落10％。依家金融股回落，但企業純利仍上升，令市場出現拉鋸，擔心最終企業純利停止上升，衰退便出現。
其次，佢認為如希望生產力、創見及生活水平出現較高增長率，引發泡沫將無可避免。但佢支持家聯儲局決定，作出反循環周期行為，即係美好日子裏提升存款準備金率，以及要求銀行增加股本，以阻止資產泡沫獲寬鬆信貸支持，但咁樣實際做起來存在困難。格蛇唔反對別人檢討佢過去做法（泡沫爆破後才做挽救措施，而冇事前刺破），但認為泡沫形成及爆破同人性有關（貪婪與恐懼），而非貨幣政策。
美元有番D尊嚴
格蛇認為，很難講今天黃金、食物、油價、外係咪有泡沫成分存在。正因為咁，所以亦好難泡沫形成初期去刺穿它。如過早行動，反而會打擊生產力、創見及生活水平提升。佢同意增加銀行資本比率去加強承受打擊能力。
今年3月份S&P/Case-Shiller組合指數（由美國二十個大城市住宅樓價組成）下跌2.2%（較去年同期跌14.4%），較分析員事前估計2%為大。其中跌幅最大係拉斯維加斯，標普話有十個大城市樓價跌幅達2.4%。
耶魯大學教授Robert Shiller過去成功找到科網股泡沫爆破，亦睇到呢次樓價見頂。今年4月美國共二十四萬三千三百五十三間住房被接管。佢認為，如政府再唔插手，數以百萬計美國家庭將失去家園，最後演變成社會問題。今年首季擁有物業美國家庭只佔67.8％（三年前為69.1％）。
美元似乎有番D尊嚴，七次減息後價漸漸企穩，次按危機由3月17日起似乎亦開始退潮。
■鷹君（041）、冠君產業（2778）、意馬國際（585）、挑戰者集團（8203）停牌。
5月27日下午五點三十分，台灣宣布提高汽油價至每公升3.9元新台幣，柴油價4.4元新台幣，5月28日生效，即分別加價13％及16％。台灣汽油只佔CPI 3.3％，對台灣CPI影響係上升0.5％。但5月份消費信心指數跌至71（4月大選後一度升至88.7）。台灣同時宣布加電費。